Секое дете мора да биде свесно за опасностите во сообраќајот. Исклучително важно е детето да ја познава околината во која самостојно се движи. Тоа значи да му објасните каде може, а каде не може да игра, каде се преминува улицата и на кој начин, кој е најбезбеден пат од училиште до дома и обратно.Ова се препораките од Републичкиот совет за безбедност на сообраќајот на патиштата до родителите и повозрасните кон помладите
Од ова институција велат дека треба да му се објасни на детето кои места се ризични, каде се пешачките премини и семафори и зошто на одредени места има поставено сообраќајни знаци. Возење на детето во скут, на предното седиште, надвор од детското седиште, возење без врзан појас – ова се сликите што секојдневно ги гледаме на улиците, особено во утринските часови а не се безбедни за децата.
РСБСП со препорака до сите родители: Без изговори! Да ги заштитиме децата од повреди или загуби во сообраќајот. Да ги едуцираме децата за правилно и одговорно учество во сообраќајот. И не заборавајте на најважното: мора прво вие како родител да бидете неговиот „херој“ – позитивен пример на кој детето секојдневно ќе се огледува.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
