Ротари клубот од Струмица донираше опрема во струмичката болница. Станува збор за медицински апарати кои се набавени од страна на клубот со консултација на здравствените работници а по неодамна одржаниот хуманитарен настан на кој се собираа средства. Со одлука на сите 23 членови парите се наменети за подобрување на условите за грижа и третман на најмладите пациенти со набавка на опрема.
,, Во консултација со раководството на болницата, сите членови на Ротари клубот одлучија, донацијата да биде наменета за одделението за педијатрија. Списокот со неопходните апарати ни го доставија и ние ги набавивме. Ова нема да биде прв хуманитарен настан, впрочем визијата на Ротари клубот е да се подобрат условите во заедницата во која живееме“,изјавија од клубот.
Директорот на струмичката болница Гоце Христов се заблагодари на донацијата и кажа дека опремата ќе биде во функција за подобрување на условите за работа и во функција на најмладите пациенти. Инаку членовите на Ротари клубот на педијатрија доделија аспиратор FAZZINI F-40, 3 инхалатори Rossmax professional NB 500, билирубинска фототераписка ламба која се користи за лекување на неонатална жолтица кај предвреме родени и новороденчиња Löwenstein Medical, како и дигитална вага FAZZINI за мерење на најмалите во раната детска фаза.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
