Мора да се почитуваат сообраќајните правила и прописи а родителите да имаат клучна улога во воспитувањето и однесувањето на децата со мопеди, мотоцикли во сообраќајот. Ова е апелот што го упати Републичкиот совет за безбедност на сообраќајот на патиштата при недомнешната посета во општина Босилово каде имаа едукативни предавања на учениците во ООУ „Гоце Делчев“. Со зголемувањето на температурите, по улиците во Струмица и населените места се повеќе може да се забележат малолетници мопеди, веспи, мотоцикли без заштитна опрема а под знак прашање е и дали имаат положено и возачки испит за ова категорија.
,,Мора да се однесуваме одговорно. Мора да имаме сообраќајна култура. Апелирам, бидејки сега е летен период и има зголемено учество на мотоциклисти кои се и поранлива категорија во сообраќајот, да ги почтиваат сообраќајните правила и прописи и да носат заштитна опрема. Како родители мора да работеме на домашно воспитување и да ја подигнеме сообраќајната свест од мали нозе. Децата учаат од нас повозрасните. Паралелно мора да има и засилени контроли од страна на полицијата,, изјави Горан Ангеловски од РСБСП
Лани на подрачјето на Струмица биле санкционирани 172 возачи на мотори, мотоцикли, мопеди, кои не користеле заштитна кацига при управување на овој вид превозни средства. Согласно член 99 став 4 од Законот за безбедност на сообраќајот на патиштата висината на глоба за овој прекршок е 45 евра. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
