Населените места Робово и Моноспитово од општина Босилово наскоро ќе добијат нови спортски терени откако општината потпиша договори со фирмите-изведувачи кои доставија најниски цени по распишаните јавни набавки за Изградба на повеќенаменски игралишта во овие места. Според информациите станува збор за терени кои ќе се градат на веќе постоечките локации а ќе бидат на младите и жителите за спорт и рекреација
Повеќенаменското игралиште во Робово ќе биде за мал фудбал, ракомет, одбојка и кошарка а ќе го гради Џови Компани од Мокрино за околу 23 200 евра.. Оваа фирма на јавната аукција достави најниска цена а во игра беа уште три фирми кои претендираа да го добијат овој проект. Општина Босилово објави дека се почнати работите за изведба на теренот кој досега беше обраснат со трева. Рокот за изградба според склучениот договор е 40 дена од денот на воведување во работа на изведувачот се разбира доколку дозволат временсктие услови
Повеќенаменско игралиште ќе се гради и во Моноспитово. Таму тендерот го доби фирмата Пешо Инженеринг од Струмица која во конкуренција на две градежни компании достави најниска цена и според склучениот договор теренот треба да биде изграден за околу 22 800 евра. Станува збор за повеќенаменско игралиште за мал фудбал, ракомет и кошарка а рокот за изведба е 30 дена од денот на воведување на операторот во работа
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
