Ракометниот прволигаш Астраион доби атрактивни противници во последната групна фаза од Купот на Македонија каде треба да се дознаат 4 те најдобри тимови за Куп титулата. Струмичките ракометари за противник во осминафиналето го добија суперлигашот Вардар Јуниор кој во моментов се натпреварува во плај аут лигата. Релативно лесен противник за струмичани иако се во елитата. Доколку ги победат Јуниорите на Вардар, астраионци за четвртфиналето ќе се сретнат со победникот меѓу Еурофарм и Охрид на завршницата што на 20 и 21 ќе се игра во Битола.
,, Противник по мерка. Иако е суперлигаш мислам дека можеме да се носиме со Вардар Јуниор кој е составен од млади играчи. Ние имаме млад тим кој сака да се докажува. Со пожртвувана игра се надеваме дуи и на пласман меѓу 8 те најдобри екипи во КУП натпреварувањето. Императив ни е да си ги одмериме силите со Еурофарм или Охрид – два силни суперлигаши кои се во врвот на мак ракометот за да докажеме дека ракомет се игра и во Струмица и во нашиот клуб се работи професионално и имаме млади и надежни ракометари кои сериозно може да се носат и со репрезентативниот дрес,, не информираа од клубот
Малку недостасуваше РК ,,Астраион’’ да се најде во завршницата од Првата лига за пласман во Супер лигата. Во моментов се натпреваруваат во вториот дел од Првата лига каде струмичани имаат шест победи. Во своите редови астраионци имаат млади ракометари кои според многумина се иднината на македонскиот ракомет.
На 20 и 21 април ќе се одиграт натпреварите од завршната групна фаза. Најобрите екипи се поделени во 4 групи и победниците од сите ќе играат за Куп титулата
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
