Одбојкарите на „ЏИО Струмица“ во 16 финалето од Челинџ Купот ќе се сретнат со кипарскиот ,,Омонија Никозија”. Вака ги посега среќата струмичките одбојкари при денешната ждрепка кои пријавија учество на европската сцена. Станува збор за тим кој има огромна традиција и редовен учесник во европските купови но без некои значителни успеси на европска сцена.
Стратегот на струмичани Ричлиев вели дека Џио Струмица има одличен состав кој може да се носи со Никозија која е екипа со огромно искуство на европската сцена.
,, Искуството е на нивна страна но ние ова година составивме добра екипа. Еден спој на младост и искуство и верувам дека екипата одлично ќе биде подготвена за двомечот со кипарците и одлично ќе ја преставиме познатата струмичка одбојкарска школа. Имаме доволно време за достигнување на посакуваната форма. Со добра работа и одигрување на контролни средби екипата ќе биде подготвена за евро настапите” изјави за Дрнка МК Кире Ричлиев
Првите натпревари се закажани за периодот од 8 до 10 ноември, „ЏИО Струмица“ ќе биде домаќин, додека реваншите се закажани од 13 до 15 ноември.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
