Деновиве беа ставени во функција новите реновирани простории на Службата за итна медицинска помош и домашно лекување во Струмица. Станува збор за оддел во старата струмичка болница при ЈЗУ Здравствен Дом Струмица која со децении не беше реконструиран иако секојдневно таму има голем број на пациенти. Како што соопштија од ова установа со реновирањето на овој оддел и набавката на нова опрема значително се подобрени условите за работа но и за пациентите бидејќи се работи за служба која покрива четири општини и има голем обем на работа.
,,Oбезбедивме достојни услови како за пациентите така и за медицинскиот персонал. Набавивме нова медицинска и канцелариска опрема. Претходно го обезбедивме возниот парк со две нови комплетни санитетски возила и две нови амбуланти возила исклучиво за транспорт на пациенти, како и едно возило за домашно лекување за руралните средини. Со тоа заокруживме една функционална целина за професионално и стручно работење на Службата за итна медицинска помош и домашно лекување,, истакна директорката на ЈЗУ Здравствен Дом Љубица Митева
До крајот на годината од сопствениот буџет, установата комплетно ќе ја обнови пароводната линија стара неколку децении, планирана е набавка на уште еден имунолошки анализатор за службата за лабораторија која подолго време не е функционална, а ќе следи и реконструкција на службата за вакцинација.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
