Струмица стана лидер во одговорното управување со електронскиот отпад бидејки граѓаните покажаа голем одзив да се подигне електронскиот отпад од нивните домови. Вака соопштија од социјалното претпријатие Реди Рециклажа од Скопје кој деновиве ја собираа дотраената, расипана и стара бела техника по домовите во Струмица и околината.
,,Во текот на акцијата, зелените агенти поминаа повеќе од 30 адреси во Струмица и околината, но, поради технички ограничувања, успеаа да стигнат само до половина од пријавените адреси. Ова значи дека Струмица не само што сака, туку и активно делува за животната средина. Затоа, оваа акција ќе продолжи по санирањето на техничките ограничувања,, соопштија од Реди Рециклажа
Реди Рециклажа е единственото социјално претпријатие во државата лиценцирано за управување со неопасен отпад. Тие освен што имаат еколошка мисија имаат и социјална инклузија, бидејки неформалните собирачи на отпад ги ангажираше, трансформирајќи ги во зелени агенти. Токму тие лица зелени агенти деновиве ги посетија сите лица од каде го подигнаа електронскиот отпад независно дали тој се чувал во станови, подруми и дворови.
“Толку долго чекавме некој да се сети на нас! Стар сум да одам до контејнерите, а сега конечно можеме со сопругата да се ослободиме од овие стари уреди без да и наштетиме на околината,” изјави жител од чиј одм беше подигнат стар и нефункционален фрижидер.
Е-отпадот ослободува токсични материи кои можат да влијаат на здравјето на луѓето и животната средина. Старите компјутери, телевизори, фрижидери и телефони со текот на времето се распаѓаат, ослободувајќи тешки метали како што се олово, жива и кадмиум, кои можат да ја контаминираат почвата и водата.
,,Затоа, наместо да ги складираме со години, подобро е да ги рециклираме и да им дадеме нов живот. РЕДИ Рециклажа обезбедува еколошки и безбеден начин за отстранување на овој вид отпад, со што се спречува неговото завршување на депониите или во природата“, соопштија од ова социјално претпријатие
Сите заинтересирани граѓани кои имаат електорнски отпад можат да се пријават за следните акции со повик на 076 460 655, преку порака на социјалните мрежи или на Viber/WhatsApp.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
