Општина Василево го распиша Јавниот повик за субвенционирање на домакинствата од ова општина за набавка и монатажа на инвертер клими. Повикот ќе трае до 4 мај а заинтересираните домакинства кои ќе купат и монтираат високоефикасна клима уред во периодот од 12.04 до 4.05 може да добие до 20 илјади денари. Заинтересираните кандидати ќе мора да докажат дека се жители на општина Василево, да потврдат со имотен лист да докажат дека се сопственици на стамбен простор но и да приложат фискални сметки или платени фактура дека инвертер климата е купена и монтирана. Станува збор за инвертер клима уреди со работна температура за греење од минимум – 15 целзиусови степени, со енергетска класа на ладење минимум А и енергетска класа на греење минимум А и со коефициент на ефикасност SEER минимум 5.10 и SCOP минимум 3.5.
,,Секој добитник на субвенција, пред исплатата на средствата задолжително ќе треба да достави до Општина Василево и изјава заверена на нотар дадена под материјална и кривична одговорност дека се обврзува набавениот клима уред да биде инсталиран на територијата на Општина Василево, дека во наредните три години по денот на монтажа на клима уредот нема да го демонтира истиот и нема да користи дрва, јаглен, фосилни или какви било други видови на нееколошки горива за затоплување на станбениот простор во кој ќе биде монтиран клима уредот, како и дека е согласен во тој период од три години да се вршат контроли од страна на комисијата на Општина Василево во станбениот простор во кој ќе биде монтиран уредот, а во спротивно дека е согласен да го врати во Буџетот на Општина Василево износот на искористената субвенција,, стои во еден од условите на Јавниот Повик
Јавниот повике може да го видите ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
