ЈП Паркиралишта го распиша тендерот за Новогодишно украсување на Струмица кое треба да се случи во првата половина на идниот месец. Јавната набавка ќе трае до 10 ти декмеври кога се очекува да се отворат понудите на економските оператори кои ќе се јават на тендерот. Според техничката спецификација, во градот треба да бидат поставени една елка со висина од минимум 11 метри на плоштадот но и да се постават околу 400 светлосни фигури и елементи, светлосни мрежи но и околу 500 метри светлосно небо.
Ќе биде украсен булеварот Ленинова од кај бензинската на Макпетрол до хотелот Централ каде ќе бидат поставени 71 светлосна фигура и лед сијалици со должина од 4 метри. Потоа булеварот Маршал Тито до ГТЦ Глобал до фонтаната при што ќе бидат поставени 55 светлосни фигури и осветлување на палмите со светлосни мрежи а на фонтаната на кружниот тек ке биде поставена светлосна алуминиумска 3д фигура
Во новогодишно руво треба да биде старата чаршија од Топчето до хотел Централ каде ќе се украсуваат канделабрите со 20 светлосни фигури а од хотелот Централ до општинската зграда ќе бидат поставени 20 светлосни мрежи, 5 светлосни завеси и лед сијалици од 10 метри како и фасадата на општината. Ќе се украсува и градското корзо од кај Прокредит до кај кафе 19 и ќе има светлечко небо од 350 метри, светлосни опшивки на 30 канделабри а ќе светнат и сите30 грмушки дрвца борчиња и палми .
На плоштадот ке има светлосно небо но и светлосни солзи на влезовите а кацелабрите ќе бидат со светлосни сијалции. На центарот на плоштадот ќе има Новогодишна елка миниму 11 метри со 60 светлосни мрежи две светлсони 3Д фигури како и еден светлосен тунел. Новогодишно украсување ќе има и на улицата Климент Охридски од бензинската на Макпетрол до Жито Струмица
Лани тендерот за Новогодишно украсување на Струмица во вредност од 137 илјади евра го доби Линк Медија од Скопје. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
