Советот на Општина Струмица го разреши досегашниот организационен карневалски одбор во состав Александар Цицимов претседател и членовите Ванчо Ристов Патриков, Ѓорѓи Пелтековски, Хризантема Рендевска, Александар Ненчев, Панче Беџовски, Катерина Милушева, Елена Достинова и Васил Крстев. Ова го најави градоначалникот за време на одржувањето на струмичкиот карневал кога обвини дека одборот е пратизиран .
По предлог на градоначалникот Костадин Костадинов сите тие со исклучок на Ненчев и Достинова кои доаѓаат од редот на Советот ќе бидат почесни членови во новиот организационен одбор. Сите советници на денешната седница беа на ставот дека Александар Цицимов треба биде почесен претседател на организациониот одбор.
Новиот одбор ќе се бира на Јавен Повик за што ќе мора да се промени и статутот за работа на карневалскиот одбор. Како што беше кажано, за структурата и бројот на членовите на новиот организационен одбор на струмичкиот карневал, освен промена на статутот ќе се отвори и поширока дебата во наредниот период.
Советниците на ВМРО ДПМНЕ се воздржаа од гласање по ова точка со оглед дека не го добиле потребниот одговор зошто среде карневал се најави разрешување на организациониот одбор, каде градоначалникот Костадинов виде партизација на одборот, зошто не направи прием на членовите на ФЕКК од Европа кои дојдоа во Струмица.
На денешната седница на Советот не беше присутен Александар Цицимов. Тој со писмо го пренесе своето видување во врска со случувањата. Според него целиот проблем излегол после изборот на принцот и принцезата на маскенбалот но не се согласува со обвинувањата на сметка на членовите на организациониот одбор, кои имаат свој придонес во развојот на ова манфиестација. (В.Т)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
