Општините Радовиш, Конче и Василево постигнаа енергетска ефикасност како резултат на проектот „Одржлив и рамномерен регионален развој“ фаза 2 кој го реализира Министерството за локална самоуправа со поддршка на Владата на Швајцарија. Во рамките на овој проект вреден 23 милиони денари поставени се фотоволтации на две локции на подрачје на Радовиш од кои ќесе произведвуа електрична енергија која ќе ај користат Општините Радовиш, Василево и Конче. Фотоволтаиците на спортската сала ,,25 ти Мај“ но и ОУ ,,Крсте Мисирков“ но и и целиот систем го постави фирмaта „ ПЦ Контрол Хардвер“ од Струмица.
Градоначалникот на Радовиш, Ацо Ристов, истакна дека благодарение на поддршката на Министерството за локална самоуправа и Владата на Швајцарија, Општината со соседните општини Конче и Василево целосно го аплицирала проектот кој за нив е од големо значење. Тој очекува намалување на трошоците за енергија и до 200 илјади евра годишно.
„Ме радува што сум домаќин на овој мега невообичаен проект со кој значително ќе ги намалиме трошоците, зголемиме енергетската ефикасност, а добивките ќе може да ги реинвестираме во инфраструктура и други приоритети од интерес на граѓаните. Генерално ќе имаме големи заштеди и повеќекратен бенефит“, истакна Ристов.
Општините Василево и Конче ќе користат по 25 отсто од произведената електрична енергија, чии градоначалници, Славе Андонов и Златко Ристов, изразија голема благодарност за поддршката на Министерството за локална самоуправа и Владата на Швајцарија.
Според министерот Перински, овој проект е одличен пример како може да се искористат 300 просечни сончеви денови во југоисточниот регион.
„Ова претставува клучен фактор за одржлив развој, за унапредување на животниот стандард со оглед на тоа дека со овој проект се создаваат услови за намалување на потрошувачката на електрична енергија што директно влијае на економскиот раст. Ова е и одличен пример за меѓуопштинска соработка и сметам дека може да се реплицира и во други општини и региони. Со имплементацијата на овој проект се вклучуваме и на трендот за искористувањето на обновливите енергетски потенцијали за зачувување на природната околина, а позитивно влијаеме и на енергетските состојби во целата земја“, посочи Перински.
Според Ѓоко Камчев, директор на Центарот за развој на Југоисточниот регион, со овој проект е направен голем чекор за иднината, за создавање енергетски ефикасни општини со што драстично се намалуваат трошоците за електрична енергија. Тој ги охрабри останатите локални единици и региони, да го следат примерот на овој проект во насока на поефикасни општини во однос на енергетската ефикасност.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
