„Слога“ од Злеово е единствениот тим од радовишко кој учествува во општинската фудбалска лига на Струмица и со своите резултати покажа дека има високи амбиции во оваа возобновена фудбалска натпреварувачка сезона. Тие есенскиот дел го завршија со победа над тимот на Единство од Пиперево со 6:2 забележувајки ја четвртата победа во оваа лига.
Со скор од 4 победи едно реми и 2 пораза, Слога од Злеово се проби на третата позиција на табелата веднаш зад Спартмани и Интер Кукла најавувајки дека напролет ќе се вклучи во трката за првата позиција. Впрочем тие се најефикасната екипа со 22 постигнати голови и 15 примени во лигата.
Сето тоа попладнево го крунисаа со прослава сред село. Со публиката која ја има постојано во голем број како и со гостите од Пиперево направија мини прослава за што речиси цело село излезе да ги поздрави фудбалските надежи и херои кои и покрај лошиот старт, успеа да се закотват на врвот од табелата.
За потсетување Слога лигата на ОФС Струмица ја почна со пораз од Интер Кукла во Куклиш со 2:1 а дома претрпе пораз од Спартмани од 3:0. Во третото коло ремизираше со Огражден во Ново Село со 1:1 по што почнаа да редат победи и тоа над Дрвош со 3:2 па во Добрејци над Илинден со 5:1 па 6:4 против Напредок од Радово и денешните 6:2. (В.Трајков)
Видеото од прославата може да се виде ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
