Здружението Културно хуманитарна организација на Турците од Источна Македонија –
Радовиш е единственото граѓанско здружение или фондација од Југоистокот кој е на списокот за добивање пари од државата, по распишаниот Јавен оглас на Владата
за распределба на финансиски средства наменети за финансиска поддршка на
здруженија и фондации за мерки за справување со КОВИД-19 кризата.
Според одлуката, Здружението Културно хуманитарна организација на Турците од Источна Македонија – Радовиш треба да добие 742 500 денари или околу 12 илјади евра, државни пари за реализација на проект ,,Едукација на населението за подигање на свеста за справување со пандемијата предизвикана со корона вирусот COVID-19 и Хуманитарна помош и заштитна опрема и пакети со прехрамбени артикли и артикли за одржување на лична хигиена во руралните средини на Југоисточниот регион,,
Инаку за имплементација на овој проект радовишкото здружение побарало 825 илјади денари или околу 13 400 евра
,,Со ова одлука се врши распределба на 29.519.495 денари (480.000 евра) од планираните средства во Буџетот на Владата за 2020 година. Целта е невладините организации да ги информираат и да им помагаат на граѓаните и на ранливите и социјално загрозени групи ’’ , стои во објаснувањето на одлуката.
Кои се здруженија и фондации добија средства можете да видете ТУКА
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
