СОУ ,,Коста Сусинов’’ од Радовиш и Општина Конче треба да добиваат до 60 одсто пониски сметки за потрошена електрична енергија откако, изминативе две години преку ЛАГ ,,Плачковица’’ на објектите на овие две институции беа инсталирани фотонапонски панели. Освен овие два објекта, енергија ќе произведуваат и зградата на Основното училиште во населбата Три Чешми во Штип и градинката во село Таринци од општина Карбинци кои ќе ја пласираат во мрежата на ЕВН а за возврат ќе добиваат пониски сметки за струја. Ова е исходот од проектот што ЛАГ ,,Плачковица’’ го реализраше 2020 и 2021 со цел искористување на сончевата енергија и нејзино претварање во електрична за потребите на јавните институции кои доибја панели.
Станува збор за проект финансиран од Националната програма за рурален развој и четирите општини со цел зголемување искористување на сончевата енергија . Како што не инфомираше Столе Ѓеоргиев од ЛАГ,, Плачковица’’ на кровот на зградата на општина Конче се инсталирни панели со моќност од 5 киловат часови додека во радовишката гимназија со двојно поголем капацитет кои треба да продуцираат од 6 000 киловат до 12 000 киловат часови годишно
„Не знаевме дека ќе има енергетстка криза, но сега заклучуваме дека проектот бил на место и во вистинско време. Фотонапонските панели се добредојдени за четирите општини.Годишното производство од секој панел посебно ќе изнесува од 6.000 до 12.000 киловат-часови. Вкупните заштеди изнесуваат од 40 до 60 проценти. Струјата што ја произведуваат фотонапонските панели се предава на операторот ЕВН и на крајот од секој месец се врши израмнување на сметките на потрошената електрична енергија со произведената струја “, вели Столе Ѓеоргиев од Локалната акциона група Плачковица
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
