Радовишанец заработи кривична пријава за измама и фалсификување исправа бидејки лажно се преставил како мајстор за мебел во правен субјект кој не постои, и од друго лице зел околу 43 илјади денари за да му испорача мебел. Измамата како што тврди МВР се случила во март годинава. Осомничениот на оштетеното лице му прикажувал лажни фотографии и откако го ,,намамил’’ како мајстор изготвил лажна фактура и зел околу 43 050 денари.
,,СВР Струмица поднесе кривична пријава против С.Б.(33) од Радовиш поради постоење основи на сомнение за сторени кривични дела „измама“ и „фалсификување исправа“. Пријавениот, со намера за себе да прибави противправна имотна корист, од оштетениот во март 2020 година зел 43.050 денари за да му порача мебел, кој претходно му го понудил со прикажување на лажни фотографии и претставување на лажно лице како мајстор за изработка на мебел во правен субјект кој не постои, за што изготвил лажна фактура’’ стои во информацијата од МВР
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
