Работниците во градинките кои штрајкуваа ќе добијат целосна плата. Овој договор го постигнаа Министерството за труд и социјална политика и СОНК со потпишување на измените и дополнувањата на колективниот договор преку кои се овозможува плаќање придонеси во случај на штрајк.
Првиот човек на Синдикатот, Јаким Неделков го изрази своето задоволство од постигнатиот договор бидејќи вработените во градинката останаа неоштетени.
И од Министерството за труд и социјална политика и од Синдикатот најавуваат дека по празникот 24 мај ќе започне процесот на изработка на нов колективен договор за градинките за што веќе се формирани работни групи од двете страни. Сите градинки во земјава беа во двонеделен штрајк, исто како и вработените во образованието. Конечниот договор меѓу Синдикатот и Владата предвидува зголемување на платите за 15 отсто.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
