Првиот човек на ЈЗУ Здравствен дом Струмица – Кирил Манчев ќе работи на добивање согласност за вработување на дополнителен персонал неопходен за нормално функционирање на службите при ова здравствена установа. Како што нагласи во контуинитет се чувствува потребата од дополнителен кадар во Здравствен дом, поради што вработените постојано се вклучени во давањето здравствени услуги на граѓаните. Тој деновиве беше вклучен во мобилната екипа на Здравствен дом за да се одговори на барањето на МВР за медицински прегледи пред физичките проверки на полициски службеници од Струмица, Гевгелија, Валандово и Радовиш.
,,Неопходен е прием на лица во службата за итна медицинска помош за истата да може да функционира. Веќе подолг период кадарот во Здравствен дом е многу оптеретен и истиот заслужува пофалба за нивната посветеност. Дополнителен персонал е потребен и за да може да се обезбеди и примарна здравствена заштита во рурални подрачја,, вели директорот Манчев кој се вклучува при теренски прегледи и интервенции за да се компензира недостатокот од медицински лица.
Тој паралелно најави дека освен за дополнителен персонал ќе работи и на обезбедуање оброк на дежурните екипи за време на ноќните дежурства. Манчев посочи дека Здравствен дом Струмица работи и на подобрување на безбедноста на оваа институција. Во наредниот период ќе се инвестира во противпожарна заштита, што е дополнителен предизвик бидејќи финансиските средства секогаш се ресурс кој не е доволен.
Манчев се надева дека Министерството за финансии наскоро ќе одобри средства за дополнителни вработувања, како и дека ќе добие поддршка од граѓани и приватниот сектор се со цел ова здравствена установа да пружа многу поквалитетна услуга на граѓаните.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
