Повеќе од 200 пчелари производители на мед од земјава и странство учествуваа на Изборот за најквалитетен и највкусен мед на Агросаемот Струмица 2024. Жири комисијата беше во состав Воислав Кантарџиев, Ѓорги Андонов, Никола Барабановски, Ѓорги Делев и Ѓорѓи Хаџикотарев кои одлучија победник во категоријата цветен мед да биде Трајко Илиев од Гевгелија. Тој оваа признание го доби во конкуренција 10 тина пчелари од земјава а жирито неговиот мед го оцени со највисоки оценки.
Според жирито, Игор Младеновиќ од Косово ја понесе наградата за најдобар уникатен мед на Агросаемот 2024 во Струмица кој се одржа викендов.
Во категоријата багремов мед, победник е пчеларникот Миленковски од Битола. Тој во конкуренција на повеќе пчелари и пчеларници како семеен бизнис имаше најдобар бед од багремов цвет.
Младата Васка Литајковска од Банско Струмица е победник во категоријата костенов мед. Во оваа категорија се пријавија десетина пчлеари но жирито одлучи дека примерокот под шифра на Литајковска е најквалитетниот.
Во категоријата шумски мед победник е пчеларникот Василови од Кочани додека во категоријата планински мед каде конкуренцијата беше доста силна победник е пчеларник Смилански мед од Радовиш.
Силна беше конкуренцијата и во ливадски мед каде победник е Пчеларник Јоки од Пробиштип.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
