АФПРЗ изврши исплата на дополнителни директни плаќања од подмерката 1.7 од Програмата за финансиска поддршка во земјоделството за 2024 година за предадени градинарски култури во преработувачки капацитети во износ од 259.421.400,00 денари кон 4.143 корисници.
Корисници на оваа поддршка се сите земјоделски стопанства кои имаат засадени површини со градинарски култури а оствареното производство да е предадено во преработувачки капацитети за зеленчук директно или преку еден регистриран откупувач во период од 26 декември 2023 година до 25 декември 2024 година.
Министерот за земјоделство Цветан Трипуновски денеска од откупен пункт во Муртино – струмичко, кажа дека годинава овие субвенции од годинава ќе бидат зголемени на 4 денари доколку производството се предаде од август до октомври додека во останитот дел од годината субвенциите ќе бидат 6 денари.
Во однос на откупот на црвените пиперки, тој изрази задоволство и подвлече дека од преработувачите добиле цврсти гаранции дека договорените цени ќе се почитуваат и дека тие се почетни што не значи дека може да има зголемување.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
