Со аплауз и овации од публиката но и со плакета од колегите при струмичкиот театар, актерката Тинка Ристеска заокружи 55 години актерска дејност. Во нејзина чест се одигра преставата „Вујко Вања“ од Чехов каде Тинче игра. По завршување на преставата таа упати благдоарност до колегите и управата на Антон Панов што и дозволи и покрај пензионирањето да биде дел од театарските проекти а и се поклони на публиката која е моторот што таа сеуште твори на штиците што живот значат
„Започнав далечната 1969 со улогата Донка во Бегалка а вечерва завршувам со Марина во преставата Вујко Вања од Чехов. Имам над 200 улоги а надвор од струмичкиот театар имам играно и во филмови, серии, документарци. Имам голем број улоги што ми се драги но она по што ќе го паметам актерството се пробите каде има жар, дружење, кавги, смеа…“ кажа Тинка Ристеска за порталот СтрумицаНет.
Ристеска има 36 години професионален стаж и уште 19 години актерски улоги како гостин на струмичкиот театтар. Генерации влубеници на театарската уметност ги имаат гледано преставите каде таа има играно.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
