Поранешниот професорот од машинската струка при ДСУ ,,Никола Карев“ Кире Синдраковски е новиот директор на Комуналец Струмица. Со решение на градоначалникот Петар Јанков тој е поставен за ВД директор на местото на Љупче Љачев кој досега беше прв човек на оваа јавно комунално претпријатие. Синдраковски паралелно е и советник во Советот на Општина Струмица од редовите на ВМРО ДПМНЕ а во својата професионална кариера работел во компаниите „Далвина“ и „Агролозар“ а последните осум години развива и сопствен бизнис
Во изјава за Струмица Денес тој најави подобри услуги кон граѓаните но и поголема хигиена, уреденост и функционалност на градот
,,Мојата цел е да работиме посветено на подобрување на услугите, на резултатите и на целокупното корисничко искуство на граѓаните. Важно ми е да градиме силен тим, да воведуваме современи практики и да бидеме отворени за комуникација со јавноста. Верувам дека со заедничка работа, почит кон јавниот интерес и транспарентност можеме да постигнеме повисоко ниво на хигиена, уреденост и функционалност во нашиот град.“ кажа Синдраковски за Струмица Денес
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
