Деновиве општина Василево ги почна работите за уредување на просторот околу спортските терени во населеното место Ангелци за што е ангажирана фирмата Портланд од Струмица која понуди најниска цена на распишаниот тендер. Според проектот, целиот простор околу повеќенаменското игралиште и двете тениски игралишта во ова населено место треба да биде хортикултурно уреден со бехатонски патеки и други елементи со што ќе биде оплеменета целата локација.
Согласно проектот се планира и поставување летниковец на влезот од целиот комплекс но и катче за деца со реквизити за игра и забава на децата односно нишалки, лизалки, лулашки, вртелешки. Планирана е изградба на нова на соблекувална да има и паркинг простор но и урбана опрема на целиот простор со клупи за одмор и канти за отпадоци.
„Овој простор ќе добие комплетно нов лик и содржини за сите генерации. Хортикултурното уредување дополнето со изградбата на летниковецот и поставувањето на реквизитите за деца ќе му даде една сосема нова димензија на просторот и од неугледна ледина ќе го претвори во пријатно катче за престој и уживање на граѓаните во сите четири сезони од годината“, изјави градоначалникот на општина Василево Марјан Јанев, по повод стартот на активностите на терен.
Уредувањето на просторот и подигањето на пропратните лементи и објекти ќини околу 80 илјади евра или околу 5 милиони денари. 4 милиони се од општина Василево која за овој проект доби и милион денари од Министерството за локална самоуправа, Биро за регионален развој, преку Програмата за распределување на средства за финансирање на проекти за развој на подрачја со специфични развојни потреби во 2020 година.
Според потпишаниот договор, помеѓу општина Василево и изведувачот Портланд од Струмица целиот проект треба да биде готов за рок од 4 месеци.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
