Општина Дојран беше дел од македонскиот штанд на 47 –от Меѓународен саем за туризам во Беград Србија каде ги презентираше своите убавини и туристички потенцијали. Станува збор за реномиран турстички саем каде се присутни голем број туристички места, тур оператори, агенции, хотели, туристички организации кои нудат можност за организирање на патувања, престој и туристички рути.
,,Имавме можност да ја промовираме природната убавина, културното наследство, туристичките потенцијали и можностите за развој на одржлив туризам во Дојран. Оваа меѓународна платформа не само што ја зголемува видливоста на нашата туристичка понуда, туку и отвара нови перспективи за партнерства, размена на искуства и привлекување на повеќе туристи во нашата општина. Убедени сме дека ваквите активности значајно придонесуваат за економски развој, регионална соработка и унапредување на квалитетот на туристичките услуги“, објави градоначалникот на Дојран Илија Тентов
Дојран последниве години е препознатлив по транзитниот туризам. Илјадници туристи кои патуваат кон соседна Грција на одење или враќање престојвуаат во Дојран и уживаат покрај Дојранското крајбрежје и големата понуда од традиционални македонски јадења. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
