ЈОУ Библиотека “Ванчо Прке” Виница ја промовираше книгата “Девојчето со лавовско срце”. Станува збор за постхумно дело чиј автор е Симона Стаменкова a коавтор нејзината мајка Драгица Стаменкова. Станува збор за книга создадена од личните белешки, доживувања кои во дневници ги пишувала младата Симона а сега надополнети со записи на нејзината мајка севкупно преточени во несекојдневно, уникатно дело. Читателите вели Драгица ќе нурнат длабоко во емоциите и неверојатната сила која ја поседуваше мојата ќерка. Токму преку оваа книга испраќаме силна порака, дека човекот треба лавовски да се бори до последната секунда на овој свет.
,,Мојата ќерка всушност е автор на книгата а јас како нејзина мајка ја обработив, дополнив со мои записи.Јас сум коавтор на книгата,, Девојчето со лавовско срце” со која одбележувам 10 години откако Симона не е повеќе меѓу нас. Идејата за вакво нешто ја добив читајќи ја книгата ,,Кој ќе плаче кога ќе ме нема” од Робин Шарма. Во оваа книга ќе нурнете во детскиот,средношколскиот и студентскиот живот на ќерка ми,краток живот кој го живееше учејќи а во исто време и пишувајќи.Нејзините белешки ги најдов во нејзините дневници а јас прелистувајќи ги најдов дел од неа.Имаше безброј како да знаела дека прерано ќе замине од овој свет.Сигурна сум дека ќе допре емотивно до сите читатели. ” додава мајката Драгица Стаменкова.
На промоцијата која се одржа во Домот на култура ,,Тошо Арсов” во Виница талентираните Кристијан и Ивана ги интерпретираа омилените песни на Симона меѓу кои нејзината автобиографска – “Кој да ми запее” пред многубројните присутни виничани, писатели, поети, пријатели, роднини, познаници кои не можеа да ги сопрат емоциите.
Инаку ова е втора книга која постхумно мајката Драгица Стаменкова ја издава во чест на својата прерано почината ќерка Симона. Издавач е ЈОУ Библиотека “Ванчо Прке” Виница а лектор и рецензент на книгата е Елена Митева.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
