Нови протести и блокади на земјоделците од струмичко. По производителите на компир од Иловида и Штука, денеска на празникот Св. Кирил и Методиј на протест излегоа производителите на домати. Тие со трактори и земјоделска механизација го блокираа патот кон населените места Просниково, Сарај, Гечерлија оти почетната откупна цена за килограм домати изнесува од 20 до 25 денари за килограм која според нив е катастрофална. Како што кажаа земјоделците ова е изненадувачка цена, бидејки само што почнала бербата на домати во струмичко која допрва ќе се интензивира. Велат дека нема сигнали за сигурен откуп и постои стравување дека откупната цена ќе се намалува.
,, Незнаме каде е проблемот, но ова се нема никогаш случено – првите берби да одат по толку ниски цени. Продажната цена на килограм домати не смее да биде под 35 или 30 денари за килограм. Трговците велат дека немало интерес од пазарите. Има ли ова држава министерство за земјоделство, води ли грижа. Еве го повикуваме министерот нека дојде и заеднички да најдеме модел начин како да излеземе од ова ситуација оти за неполна недела ќе има огромни количини на домати и ако нема откуп и пласман, ќе почнат да скапуват по пластениците,, вели Атанас Спасов земјоделец од Просениково
Во струмичко има повеќе од 500 хектари под пластеници со домати. Бербата почна деновиве. Од идната недела се очекува интензивно да стасуваат за берба, кои ако навреме не се соберат, ќе почнат да скапуваат по нивите. Од тука и стравот на раноградинарите бидејки никогаш почетните количини во производствена сезона немале толку ниска откупна цена.
,, Велат домашна храна – ние произведуваме а сите си играат мајтап со нашиот труд. Сума пари фрливме по заштитни средства и репроматријали и сега да ти кажат дека ќе нема откуп или цената е таа. Што да правиме ние како земјоделци. Дај една засекогаш да има стратегија што да се произведува,, кажа Трајчо Коцев земјоделец.
Ова недела први за ниска откупна цена, гласот го кренаа прозиводителите на компир од населените места Иловица и Штука по што со преставници на минситерството за земјоделство и откупувачите се постигна договор компирот да се откупува по цена од 20 денари во наредните десет дена. ( В. Трајков )
фото Дрнка.МК
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
