Општина Василево ги прогласи најголемите производители на праз за оваа година. Станува збор за земјоделци од населеното место Градашорци кои оваа сезона имаат најмногу засеани површини под оваа култура, за која секоја година во ноември се одржува манифестацијата Празијада во организација на Општина Василево.
Станува збор за земјоделците Драги Колев, Васе Василев, Синаси Шавлев и Мехрум Демов. Тие според општината се редовни производители на праз а оваа година имаат засеано поголеми површини од кои се произведени солидни приноси и покрај лошите временски услови ова лето.
Признанијата од Општина Василево им ги додели министерот за земјоделство Цветан Трипуновски кој во својот говор кажа дека Општина Василево е препознатлива по производството на праз и е синоним за квалитет. Тој ги повика граѓаните да купуваат македонско и на тој начин да се мотивираат македонските земјоделци.
Топ праз со 30 тина стебла се продава по цена од 300 до 400 денари во зависност од квалитетот. (М.К)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
