Граѓаните кои ќе видат или констатираат загадување на животната средина каде што живеат, можат да пријават загадување во два чекора до Државниот инспекторат за животна средина. Пријавата може да се направи преку ФБ, е-адресата на инспекторатот или на веб страницата на ова институција. Ова како што кажаа на презентацијата на онлајн платформата, значително ќе го олесни процесот на брзо добивање и евидентирање пријави и навремено реагирање на инспекторите.
„За да бидат инспекторите поефикасни при решавањето на случаите, граѓаните мора да даваат инструкции. Токму со оваа платформа ќе се подобри соработката на Државниот инспекторат за животна средина со граѓаните и ќе се овозможи подобра координација при инспекцискиот надзор на државно и локално ниво, а со тоа и поголем увид во работата на терен”, рече директорката на Државниот инспекторат за животна средина Ана Петровска
Граѓаните пријавите може да ги поднесат со праќање порака на Фејсбук страната на Инспекторатот.
ЧЕКОР 1: Заследи ја Facebook-страницата на Државен инспекторат за животна средина
ЧЕКОР 2: Опиши го проблемот кој го пријавуваш, наведи ја локацијата, доколку можеш испрати слика или видео и остави твои податоци (име и презиме, телефонски број или е-адреса) за да можат инспекторите да те исконтактираат.
Пријави може да се достават и на електронската адреса prijavi@sei.gov.mk. или да се доставуваат и на веб страницата на Инспекторатот www.sei.gov.mk и преку полето Пријави на е-Мапата на загадувачи www.mapanazagaduvaci.mk.
Во пријавата граѓаните треба накратко да го опишат проблемот кој го пријавуваат, да ја наведат локацијата, доколку можат да испратат слика или видео и да остават нивни податоци (име и презиме, телефонски број или е-адреса) за да можат инспекторите да ги исконтактираат. Платформата е изработена во соработка со Институт За Комуникациски Студии во рамките на кампањата „Разбистри сè“, која е финансирана од Британската амбасада во Скопје
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
