21 годишен жител од гевгелиско Миравци е приведен откако во неговиот дом биле пронајдени повеќе пакувања марихуана со вкупна тежина од 1,5 килограми. Полицијата во неговиот дом пронашла и дигитална вага но и парични средства за кои се сомневаат дека се од продажба на марихуаната.
,,Полициски службеници од Одделот за криминалистичка полиција – Сектор за недозволена трговија со дрога, оружје и опасни материи го лишија од слобода Б.А.(21) од с.Миравци, гевгелиско. Имено, по претходно обезбедена наредба за претрес на дом и други простории издадена од судија на претходна постапка од Основен суд Гевгелија, бил извршен претрес на домот кај Б.А., при што се пронајдени и одземени повеќе пакувања марихуана со вкупна тежина од 1,5 кг, дигитална вага и парични средства за кои постојат основи на сомневања дека потекнуват од продажба на марихуана,, стои во соопштението од МВР
Б.А. е приведен во Полициска станица Гевгелија, а од страна на СВР Струмица – ОВР Гевгелија по целосно документирање на случајот до надлежното Јавно обвинителство ќе биде поднесена соодветна пријава за сторено кривично дело по чл.215 од Кривичниот законик.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
