Полициски службеници вчера уапсиле гевгеличанец откако во неговото патничко возило пронашле пет лица мигранти од Сирија, соопшти Министерството за внатрешни работи.
,,Вчера во 19:20 часот на регионален пат 1102 с.Прдејци – с.Смоквица од полициски службеници од Полициска станица Богородица при Регионален центар за гранични работи „Југ“ е лишен од слобода Н.Г.(41) од Гевгелија, затоа што во патничко моторно возило „бмв 120“ со струмички регистарски ознаки, превезувал пет лица илегални мигранти од Сирија. Увид на местото на настанот извршила екипа од Регионален центар за гранични работи „Југ“, информираат од МВР.
Како што посочуваат од Министерството, мигрантите се сместени во Прифатно-транзитен центар Винојуг – Гевгелија за понатамошна постапка. За настанот бил известен Јавен обвинител, а по целосно документирање на случајот ќе биде поднесен соодветен поднесок.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
