Жител на струмичкото село Баница, М.В.(29), кој продавал бостан, синоќа е приведен во Полициската станица – Штип бидејќи не ги слушал наредбите од полициските службеници и агресивно се однесувал кон нив. Според информациите, полицајците од него побарале да го препаркира камионот натоварен со лубеници од тротоар и да стави заштитна маска согласно владините препораки. Настанот го потврди и МВР.
“На 20.07.2020 во Полициската станица Штип бил приведен М.В.(29) од с.Баница, струмичко, затоа што околу 19.00 часот на бул. „ЈНА“ во Штип агресивно се однесувал кон полициски службеници, кои вршеле службени дејствија. По целосно расчистување на случајот, против него ќе биде поднесен соодветен поднесок.” стои во сопштението од МВР.
Продавачот на бостан од струмичко Баница се соочува да плати казна од 600 до 900 евра за омаложаување на полициските службеници и дополнително 20 евра за неносење заштитна маска.
М.Т.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
