Струмичката полиција денеска го лишила од слобода Д.К. (29) од селото Баница, поради сомнение дека предизвикал пожар, при што била опожарена трева и нискостеблеста вегетација.
Имено, по пријава примена во 11.38 часот, според која на излезот од Струмица кон селото Дабиле настанал пожар, Д.К. бил затекнат на местото и задржан.
Тој е приведен во полициска станица и во консултација со Јавен обвинител, по расчистување и документирање на случајот ќе биде поднесен соодветен поднесок.
Пожарот е изгаснат од страна на противпожарна екипа, а увид извршила екипа од струмичката полиција.
Инаку ТППЕ Струмица на својата ФБ страна објави дека денеска со 1 ПП возило и 4 пожарникари – спасители интервенираше на гаснење на запалена сува трева на две локации и тоа во атарот на с.Баница и во близина на патот Струмица – Дабиле. Пожарите биле успешно локализирани и ликвидирани.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
