На 04.04.2025 во 11.00 часот во Гевгелија, полициски службеници од СВР Струмица-ОВР Гевгелија ја лишиле од слобода И.А.(42) од Гевгелија. Во момент кога полициските службеници требало да преземат службени дејствија кон неа, таа се дала во бегство при што фрлила предмети кои ги држела, односно три најлонски омоти исполнети со прашкаста материја и еден најлонски омот исполнет со зелена растителна материја, по што била фатена од полициските службеници. Предметите биле одземени, по што бил запознаен е јавен обвинител од Основното јавно обвинителство Гевгелија. По целосно документирање на случајот против И.А. ќе биде поднесена соодветна пријава.
На 04.04.2025 во Гевгелија полициски службеници од СВР Струмица-ОВР Гевгелија го лишиле од слобода Ј.Г.(28) од Гевгелија. По издадена судска наредба бил извршен претрес во неговиот дом, каде биле пронајдени два најлонски омоти исполнети со прашкаста материја, зелена растителна материја, шише исполнето со зелена растителна материја и предмети со остатоци од растителна материја. За настанот бил запознаен јавен обвинител од Основното јавно обвинителство Гевгелија. По документирање на случајот ќе биде поднесена соодветна пријава.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
