Премиерот Зоран Заев денеска на прес конференција ги објави имињата на функционери и членови на управни и надзорни одбори на јавни претпријатија кои ќе ги разреши а се именувани директно од Владата пред околу две години. Во низата на кадровски промени се најдоа и струмичани кои раководат со јавни институции или пак се во управувачките структури на Установи и Јавни претрпијатија како членови на Управен одбор.
Како што истакна премиерот Заев ќе биде разрешена Стојанка Изова првиот човек на Јавната установа Завод за рехабилитација Бања Банско. Ќе бидат разрешени и членови на УО во сите три здравствени установи во Струмица. Според кажаното Ристо Ангелов ќе биде разрешен од функцијата член на УО на Центарот за Јавно здравје во Струмица а член на УО на Здравствен дом во Струмицавеќе нема да биде и Никола Тауков. Разрешување ќе има и во ЈЗУ Општа Болница Струмица каде во Управниот одбор нема да седи Живорад Ќурчиев
Како што објасни премиерот Заев разрешувањето се должи пред се поради непостигнување на потребните и очекувани резултати на дел од носителите на јавните функции или пак заради дуплирање во меѓувреме на повеќе функции.
,,Нереализација на капитални инвестиции, блокирање на процеси, замерки од меѓународните институции за водењето на одредени процеси, некогаш недоволната транспарентност, некогаш недоволното почитување на заклучоците и упатства на Владата, некогаш послабиот менаџмент за одредени институции за финансиско стабилизирање на самите институции и нивно зајакнување“, образложи Премиерот Заев за разрешувањето на 70 тината директори и членови на УО и надзорни одбори на јавни институции.
На денешната прес-конференција, којашто претходеше на владината седница на оваа тема, Премиерот Заев рече дека на дел од лицата коишто ќе бидат разрешени ќе им биде понудена друга јавна функција, за која, како што истакна Премиерот Заев смета дека ќе можат успешно да ја извршуваат.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
