Центарот за развој на Југоисточниот плански регион преку реализирање со проектот eFdiar за рано откривање на пожари и нивно движење за превенција и справување со катастрофи планира да развие и имплементира систем со ИКТ алатки и сензори кои че алармираат до институциите за појава на пожар на планините Кожуф и Беласица. Како што неодамна соопштија од Центарот, главната цел на овој проект е ефикасно откривање и управување со шумски пожари во прекуграничната област заради што овој систем се очекува да придонесе кон рано откривање на шумските пожари, да има зголемена прецизност на локацијата на пожарот
Опремата ќе биде со сенозори која ќе алармира при појава на чад. Таа биде поставена на планините Беласица и Кожув. Тие ќе го регистрираат чад во подрачјата кои се изложени најмногу на пожари, соопштија од Центарот за развој на Југоисточниот плански регион
,, Проектот вклучува развој и оперативна евалуација на ИКТ системи за рано предупредување и управување со ризик од шумски пожари што ги овозможуваат системите за рано откривање пожари. Станува збор за нова опрема која ќе алармира до Центарот за управување со кризи при појава на било каков чад во планинските предели а не термички или стателитски,Со алармот надлежните институции ќе добијат информација за локацијата и големината на пожарот за да навремено се интервенира од страна на противпожарните единици и да не се дозволи негово проширување,, рече Жулиета Ѓуркова на презентацијата на проектот
Проектот „Рано откривање на пожарите и нивно движење за превенција и справување со катастрофи – eFIDAR“ ќе се имплементира до октомври идната година, а вкупната вредност е 1,4 милиони евра обезбедени преку Интеррег ИПА програмата за прекугранична соработка меѓу Република Северна Македонија и Грција, а во реализцијата се вклучени и повеќе други институции и организации од двете држави.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
