Министерството за животна средина и просторно планирање информира дека е прекината епизодата со надминување на прагот на алармирање за РМ10 честички во Скопје и Струмица. Според податоците од Државниот автоматски мониторинг систем, на 22 декември 2025 година среднодневните концентрации на РМ10 честичките се под дефинираниот праг на алармирање од 150 микрограми на метар кубен.
Со оглед на тоа, како што соопштува Министерството, престануваат да важат мерките и препораките што беа воведени поради надминатиот праг на алармирање. Надлежните институции, додаваат од Министерството за животна средина и просторно планирање, и понатаму ќе ја следат состојбата со квалитетот на воздухот и навремено ќе ја информираат јавноста доколку дојде до нови надминувања.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
