Во рамките на јавните трибини за Дигитализација на јавните услуги, денеска во Струмица беше презентиран Националниот портал за електронски услуги https://uslugi.gov.mk, преку која на граѓаните им се овозможува да добијат информации за јавните услуги и да користат е-услуги од државни и локални институции. На порталот може да се добијат 128 услуги од повеќе органи но министерот за информатичко општество Дамјан Манчевски вели дека многу малку граѓани го користат па затоа се организираат овие трибини
,,Имаме над еден милион активни граѓани кои поседуваат корисничко име и лозинка со кои може да се најават на сајтот и да добијат одредени услуги, но досега граѓани што побарале од било кој тип на усуги се некаде над 8 илјади. Тоа значи дека треба да работиме и понатаму на зголемување на употребеноста на самиот портал и на сите ови системи. И тоа е една од главните причини зошто сме тука и одиме низ државата за да ги запознаеме граѓаните што се можат да добијат преку порталот и самите институции,, одговори министерот Дамјан Манчевски.
Во рамки на општина Струмица беше отворен регистрационен пулт, каде што граѓаните кои нема да можат сами да се регистрираат на порталот за е-услуги, тоа ќе можат да го направат со помош на овластено службено лице, соопшти МИОА.
,,Ние сме подготвени. Обучивме двајца наши претставници од Одделението за услуги на граѓаните и месната самоуправа, кои секојдневно ќе бидат на услуга на граѓаните околу првичните потреби за апликација, регистрирање и информации од секаков тип во врска со овие олеснувања, кои благодарение на министерството за информатичко општество се креираат и промовираат, рече градоначалникот Јаневски
За тоа како дигитализацијата на јавната администрација ќе ја олесни работата на бизнис заедницата, говореше Глигор Ризов од компанијата SourceMX, а на трибината се обрати и Мими Табанова, претседателка на Здружението за локална демократија Центар на заедницата.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
