Во последните 24 часа регистрирани се 164 нови случаи позитивни на КОВИД-19 во земјава објави министерството за здравство. Според денешната статистика на Институтот за јавно здравје во Југоистокот за првпат позитивен има во Богданци за што и официјално потврдија општинските власти и уште еден случај во Валандово.
Лицето со место на живеење во Богданци се води како нов случај во Гевгелија кај здравствените власти. Како што објави општината станува збор за лице кое веќе 12 дена се наоѓа во домашна самоизолација и место за паника нема.
,,Од страна на општината превземени се сите мерки во интерес на заштитата на јавното здравје и сме во постојана координација со институциите но, од исклучителна важност е улогата на сите од нас. Затоа, апелирамe и повикувамe, сите граѓани дисциплинирано и безусловно да ги почитуваат препораките на Министерството за здравство,, објавија од општина Богданци.
Лицето што се води во Валандово е од населеното место Јосифово, брифираа од Центарот за јавно здравје.
Во останатите градови во земјава регистрирани се 85 случаи нови на КОВИД-19 во Скопје, во Куманово 24, Дебар 3, Штип 5, Прилеп 3, Тетово 18, Струга 5, Охрид 9, Гостивар 2, Крива Паланка 1, Кочани 1, Македонски Брод 1, Свети Николе 2, Ресен 2
и Неготино 1.
Во последната статистика на надлежните се водат и две починати лица и тоа од Скопје и Тетово а денеска Институтот за јавно здравје регистрира 12 оздравени пациенти.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
