Информативниот портал www.strumicanet.com со скромна свеченост одбележа десет години од своето постоење. Станува збор за првиот онлајн медиум во Струмица кој почна да функионира на Денот на заштитниците на Струмица – Св. 15 Тивериополски Свештеномаченици. Најпрво на својата веб страна почна со емитување на народна музика а постепено и пласирање на информации од локално значење. Станува збор за информативна веб страница која секојдневно преку емитување вести, фотографии и видеа ги пренесува сите актуелности од Струмица.
На свеченоста, сопственикот и уредник на порталот Роберт Ѓорѓиев на повеќе лица, институции и фирми додели благодарници за поддршката во развојот и растежот на овој информативен сајт, кој секојдневно ги следи локалните настани и случувања во општина Струмица. На својата веб платформа СтрумицаНет нуди информации од сите области за кои сметаат дека се од интерес и значење за граѓаните на општина Струмица и пошироко.
,, Ви благодарам на сите за поддршката. СтрумицаНет и понатаму ќе се труди да ги оправда Вашите очекувања како онлaјн медиум со навремени и точни информации ’’, рече уредникот и основач на СтрумицаНет Роберт Ѓорѓиев
Радио СтрумицаНет е член на Советот за етика во медиумите со што ги запазува сите прифатени кодекси на новинарското известување.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
