Денес за првачињата од ООУ „Гоце Делчев“, Василево, беше одржан свечен настан за прием во Детската организација.
Вкупно 65 првачиња кои настава посетуваат во централното училиште во Василево и подрачните низ населените места Ангелци, Владевци, Сушево, Седлараци, Едрениково, Радичево и Дукатино, сложно во еден глас дадоа ветување дека ќе бидат умни, вредни, посветени на училишните обврски, дека ќе ги почитуваат наставниците но и дека ќе другаруваат, а за ненамерните грешки побараа прошка.
Честитки по повод нивното стапување во Детската организација им упатија директорот на ООУ „Доце Делчев“, Дејан Стојанов и градоначалникот на општина Василево Славе Андонов кој упатувајќи им желби за добро здравје и среќни и весели училишни денови исполнети со знаење и игра им порача дека ќе продолжи да ги подобрува условите во кои се образуваат бидејќи како што рече светот останува на нив, најмалите, нашата гордост и радост.
„Драги деца светот останува на вас. Вие сте нашата гордост, нашата радост. Вашите ветувања дека ќе ги почитувате наставниците, дека вредно ќе учите, дека ќе другарувате и ќе бидете умни и вредни деца се наш мотив и обврска секојдневно да ги подобруваме условите за вашиот раст и развој, да вложуваме во вашата сегашност како гаранција за подобра иднина за сите нас“, им порача градоначалникот Андонов.
Во знак на благодарност и почит кон градоначалникот, учениците му подарија стаклена изработка, на која се изгравирани детските права.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
