Општина Василево ја организираше 12 тата манифестација ,,Ден на празот’’ во населеното место Градашорци каде беа презенитрани над 100 тина специјалитети од праз приготвени од вредните домаќинки од цела општина. Заедно со производителите на праз и организаторите, упатија порака дека овој зеленчук треба да се консумира пред се заради лековитите својства
Посетителите уживаа во богатата културна уметничка програма но и дегустираа од разновидните, баници, пити, салати со праз, традиционални специјалитети со праз и вкусната чорба од праз. Паралелно и донираа за хумани цели бидејки и годинава Празијадата имаше хуманитарен карактер
„Преку денешната Манифестација, како локална самоуправа која се грижи за своите граѓани, праќаме порака до целокупната јавност дека сме подрачје во кое се произведува вкусна, квалитетна и пред се здрава храна. Но денес сме овде заради празот, градашорскиот, несомнено најдобриот не само во државата туку и пошироко“, им порача градоначалникот Јанев на многубројните посетители
Дека во Градашорци се произведува најдобриот праз во земјава рече и министерот за земјоделство Трајан Димковски кој упати апел до заинтересираните дека Владата нуди поддршка за изградба на преработувачки капацитети и сушари за праз во висина од 65 одсто од инвестицијата.
Бројните посетители уживаа во Програмата подготвена од учениците од општинските основни училишта, изведбите на културно уметничките друштва „Сушевски Бисери“ од Сушево и „Тримери“ од Струмица, како и забавниот дел за кој беа задолжени музичарите од Стакато бенд.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
