Премиерот Зоран Заев денеска во Гевгелија кажа дека бројот на вработнеите во јавната администрација се намалува. Кога тој дошол како премиер бројката била 165 илјади а во моментов таа се движи меѓу 148 и 149 илјади вработени во јавниот сектор. Сепак тој не одстапува од намерата, дел од вработените од јавниот сектор да преминат во приватниот кој е поперспективен и нуди поголеми плати.
,,Разработуваме планови да мотивираме граѓани од јавната администрација по сопствена волја и убедување да прифатат подобро платени и поперспективни работни места во приватниот сектор. Сите тие алатки навремено ќе бидат презентирани кај јавноста бидејки еден дел ќе ги финансира државата во одреден временски период за да можат вработените да се преквалификуваат со цел да имаат повисоки плати и поголема можност за напредување,, кажа Заев при денешната посета во Гевгелија
Премиерот Зоран Заев со вицепремиерот Кочо Аѓушев имаа средба со бизнисмените од Гевгелија а го посетија и новиот водоснабдителен систем.На средбата беше и првиот човек на Гевгелија Сашо Поцков. На средбата се разговараше за мерките за поддршка на конкурентноста на домашните компании, за важноста од меѓуграничната соработка помеѓу граѓаните и компаниите од двете земји, а се разменија и предлози и размислувања за надминување на одредени проблеми на кои посочуваат претставниците на бизнис заедницата.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
