Гевгелиски Кожуф заедно со екс прволигашот Македонија ЃП се на врвот на табелата во Втората фудбалска лига откако денеска славеше со 3:2 против Вардар Неготино. По ремито со Саса во првото коло и славјето над Вардарски во Богданци и Осогово од Кочани ова е трета победа за гевгеличани кои со скопјани и штипска Брегалница се без пораз и водечките три позиции.
Грозданоски, Најденов и Гугуљанов погодија за тимот од Гевгелија против неготинскиот состав. Кожуф следното коло ќе му гостува на Скопје и отворено ги најавува своите амбиции за висок пласман ова сезона.
Од останатите екипи од Југоистокот, радовишки Детонит Плачковица беше подобра од Скопје со 1:0 и остана на шестата позиција. Струмичка Беласица ремизираше со прилепска Победа 1:1 и со три нерешени натпревари и еден пораз е на 11 позиција во конкуренција на 16 екипи
Новајлијата во Втората лига – Вардарски од Богданци во Велес претрпе пораз од Борец со 3:1 и со два бода е претполседен на табелата
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
