По денешната координирана полициска операција со цел расчистување на кривични дела кои се однесуваат на организирање на група за вршење криумчарење мигранти, Одделот за сузбивање на организиран и сериозен криминал при МВР до Јавното обвинителство поднесе кривични пријави против 12 лица од кои 6 од Богданци, 3 од Скопје и по едно од Валандово, Штип и Лојане општина Липково
Како што објави МВР сите 12 лица се сомневаат дека сториле кривични дела „Организирање на група и поттикнување на извршување на делата трговија со луѓе, трговија со дете и криумчарење на мигранти“ и „Криумчарење на мигранти“ и тоа по различни членови и ставови од кривичниот закон.
Кривични заработија М.С. (49) од Богданци и неговиот син С. С. (23) кои се сметаат како организатори на групата со А.А. (42) од Скопје и А.М. (47) од с.Лојане општина Липково. Кривични за веќе споменатите кривични дела заработија и Б.Ј. (22), М.М. (21) и Д.С. (29), тројцата од Богданци, потоа Т.К.Ц. (53) од Штип, но и Ј.К. (23) од Богданци и Т.М. (36) од Валандово. На списокот што го објави МВР се уште две лица од Скопје и Д.Љ. (39) и Ф.А. (26).
,, Во периодот од декември 2019 година досега организаторите на криминалната група М.С., неговиот син С.С. од Богданци, А. А. од Скопје и А.М. од с.Лојане-општина Липково, во соработка со лица од Р.Грција, организирале криминална група со која на територијата на Република Северна Македонија, во временски период од декември 2019 година досега, организирале криумчарење на околу 100-тина илегални мигранти, при што се стекнале со значителна противправна имотна корист. Најголем број од мигрантите биле по потекло од Aвганистан, Пакистан, Сирија, Иран, Египет и други земји од Блискиот и Средниот Исток, кои претходно престојувале на територија на Р.Грција“, информираше денеска портпаролот на МВР Тони Ангеловски.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
