Остри реакции по видеото со тепачка меѓу две лица започнувајки со шамар од жена во центарот на Струмица. Реакциите се и поради насилството и изнесување на секира од еден од учесниците во настанот пред очите на голем број минувачи. Од СВР Струмица соопштија дека е утврден идентитетот на учесниците во тепачката. Станува збор за струмичанец и штипјанец.
,,Од страна на полициски службеници од СВР Струмица веднаш е утврден идентитетот на сторителите, односно утврдено е дека учесници се С.А.(49) од Струмица и Ќ.Д.(32) од Штип.Пронајден е и лишен од слобода С.А., со кого е извршен службен разговор во просториите на СВР Струмица, а за Ќ.Д. кој по настанот се дал во бегство е објавен централен распис за негово пронаоѓање.“, соопшти полицијата
За настанот е запознаен јавен обвинител од Основното јавно обвинителство Струмица, по чии насоки од страна на полициски службеници од СВР Струмица се преземаат мерки за целосно расчистување и документирање на случајот, по што против лицата ќе биде поднесена соодветна пријава.
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
