По вчерашните реакции и апели од страна на градоначалникот на Дојран Анго Ангов да се почитуваат владините препораки и мерки за заштита и спречување на ширењето на коронавирусот,откако пристигнаа голем број гости во ова турстичко место, сликата денес поразлична. Речиси најголемиот дел од гостите кои се шетеа на кејот покрај Дојранското езеро носеа заштитни маски и не се групираа. Паралелно општински комунални редари, денеска излегоа на терен и делеа заштитни маски на лицата што не носат и предупредуваа дека заради лична заштита и заштита на јавното здравје треба да се почитуваат мерките
,,Ние сме отворена оштина и гостпримлив народ и сакаме гости , но во услови на пандемија и кога на сила се владините препораки, мора да ги почитуваме сите мерките. По апелите што ги упативме и кампањите што ги спроведовме вчера и денес, сликата е поразлична. Гостите носаат маски и се придржуваат кон препораките. Само така може да се избориме против вирусот,, ни изјави градоначалникот Ангов кој денеска изрази задоволство од односот на викенд гостите што престојуваат во Дојран
Инаку денеска на повеќе локации во Дојран, вработени од општината овластени од градоначалникот делеа заштитини маски и предупредуваа за почитувањето на мерките. Ангов вели дека ова се прави се во интерес на подигнување на јавната свест за да нема казни бидејки прекршокот за неносење лична заштита на лице чини 20 евра.
,,Верувам дека ги потикнавме гостите да носат маски, бидејки мерките и препораките важат за сите независно каде се. Ако му посакуваме добро на Дојран како туристичко место, тогаш треба да бидеме и совесни и дисциплинирани граѓани. Затоа наши екипи вчера и денеска излегоа превентивно на терен и делеа маски и предупредуваа за можните санкции оти не сакаме Дојран да го паметат по казни,, ни изјави Ангов
Инаку заради продолжениот викенд и прогласувањето на целосен карантин во дел од општините во државата, илјадници граѓани допатуваа во Дојран од сите краишта на земјава при што околу 80 одсто од приватните сместувачки капацитети се исполнети а во текот на вчерашниот ден сликата беше разочарувачка кога најголемиот дел од нив не носеа заштитни маски
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
