Околу 6 илјади садници багрем, аризонски чемперс и бел бор беа засадени во акцијата што ја организираше здружението ,,Трибенкс’’ од Радовиш во која учествуваа ученици, граѓани доброволци и преставници на повеќе институции. Во акцијата што се реализираше викендов беа посадени и околу 40 килограми желад односно дабово семе. Станува збор за локација од околу 3 хектари над Радовиш кон Плачковица која ја подготови ЈП Македонски Шуми а садниците беа обезбедени од ,,Трибенкс’’ чија цел да се обновува шумскиот фонд.
,,Ние сме организација која имаме самофинансирачки активности, односно добиваме провизија од неколку платформи за патување доколку резервациите одат преку веб страната на здружението односно преку филијален маркетинг. Парите што ги добиваме ги насочуваме кон заштита на животната средина. Лично сме задоволни од акцијата во Радовиш и колку граѓани се вклучија. Пошумена е голема површина и се надеваме дека потегот Калузлиска за неколку години ќе биде озеленет,, вели Михаил Стевчев од Трибенкс кој упати благодарност до Македонски Шуми кои помогнаа во подготовка на теренот радовишани да садат зелена иднина.
Ова здружение функционира околу три години. За две години имаат посадено околу 6 000 дрвца кај езерото Младост кај Велес, Водно над Скопје, Охрид но и во радовишките населени места Подареш и Калуѓерица. Главна цел им е годишно да садат по 10 илјади дрвца доколку граѓаните преку нивната страна резервираат одат до платформите за патувања и туризам како букинг, киви и агода и на тој начин добиваат средства.
,,Засадено дрвце сега е инвестиција во зелена иднина. Токму ова е нашето мото како здружение но и на акцијата што ја реализиравме во Радовиш. Сакаме да ги едуцираме учениците и младите како да се садат дрвца и како да се грижат за нив за да имаме почист воздух и да дадеме свој придонес против глобалното затоплување,, вели Стевчев кој повика патувањата и туристичките арнажамани да ги резервираат преку https://treebanks.com/mk/ и сите да дадат влог во зелената иднина
Потегот кој што се садеше во Радовиш се наоѓа на патот кон планината Плачковица која последниве години е мета на дрвокрадци а радовишани постојано реагираа и бараа од надлежните да се зајакнат контролите со цел да не се уништуваат белите дробови на градот
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
