Општинската изборна комисија на Струмица, денес ги додели решенијата за Градоначалник и членови на Советот на општината по нивниот избор на првиот изборен круг од Локалните избори 2021. Со ова стартува четиригодишниот мандат на новата локална власт на Струмица предводена од Коста Костадинов кој од денеска и официјално е градоначалник на општина Струмица .
,,Почнувам да работам и да ви служам, верно, чесно, домаќински, онака како што ме учеле и воспитувале и онака како што знам дека треба. Јас ја добив вашата доверба и ветувам дека ниту ќе дозволам, ниту пак ќе може некој да си поигра со неа. Со слух за вашиот глас, со енергично и динамично темпо, преку чесна и транспарентна работа ни претстои период во кој ќе демонстрирам дека визијата која нѐ водеше во изминатиот период не е само теорија, на хартија, туку реалност,, напиша на својот ФБ профил градоначалникот Костадинов
Доделени беа и решенијата на новоизбораните своетници. 13 мандата имаат од коалицијата предводена од СДСМ, 9 од Коалицијата на ВМРО ДПМНЕ и 1 од граѓанската иницијатва Стига е. Дел од нив веќе биле советници низ годините а дел за првпат ќе се соочат со носење одлуки, програми… На ова функција досега биле Марјан Даскаловски, Зоран Костадинов, Македонка Глигорова, Александар Ненчев од коалицијата на СДСМ а од коалицијата на ВМРО ДПМНЕ на ова функција како советници партиципирале Сашо Милковски и Ѓорге Јовов
фото ФБ Коста Костадинов
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
