34 шахисти од струмичкиот регион викендов ја почнаа трката за избор на најдобар Шахист на Струмица за 2023. Станува збор за Гран-При турнир кој го организира ШК „Цареви Кули“ од Струмица кој ќе биде составен од вкупно 12 месечни турнири на кој пријавените шахисти ќе ги одмеруват своите сили на вкупно 9 партии секој месец. Според Митко Андонов учесникот кој ќе освои најмногу поени од сите 12 турнири ќе ја понесе титулата Шахист на Струмица за 2023.
,, Помина одлично јануарскиот турнир. Вкупно беа пријавени 34 учесника кои по однапред систем ги дознаа своите 9 противника со кои се надмудруваа. На овој турнир најдобри беа најискусните Панче Шарламанов од Струмица и Спасо Филев од Дабиле но изненадија млади момци, за нас анонимуси кои одиграа одлично и собраа висок број поени а не се за потценување и нашите деца членови на ШК „ Цареви Кули“. Сепак тука мора да се има и среќа за и околу можните противници,, рече Андонов
Последниот викенд од Февруари ќе биде вториот турнир од Струмица Гран-при. Освен сегашните учесници може да се пријават и нови кои ја знаат шаховската игра итие да се вклучат од т.н. второ коло а пријавите може да ги достават на ФБ страната на ШК „Цареви Кули“
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
