На ХС Ѓавато денеска беше присутен премиерот Христијан Мицкоски кој подвлече дека се детектирани сите места каде има пукнати цевки и овие дефекти ќе бидат санирани од општествено одговорна компанија. Санацијата се очекува да се случи наредните денови, со цел да се испорачува повеќе вода до резервоарите од каде со други пумпи ќе биде пренасочувана кон езерото.
,, Станува збор за две бунарски потопни пумпи. Капацитетот е 10 но другите 8 не работат. Ове две пумпи имаат имаат капацитет 100 литри во секунда. Во периодот што следи планираме да оспособиме најмалку четири пумпи а потоа уште дополнителни две со што цениме дека ќе ги задоволиме потребите за во најскоро време Дојранското езеро го добие изгледот кој го заслужува,, кажа премиерот Мицкоски на Ѓавато.
Тој истакна дека ќе се санираат и две потисни пумпи кои ја туркаат водата од резервоарот кон езерото. Целата постапка ќе ја работат екипи од РЕК Битола.
,,На следната седница на Влада ќе донесеме одлука Фабриката за опрема и делови во склоп на РЕК Битола две од потисните пумпи да демонтира, да ги санира и повторно да ги врати и монтира. Добив инфрамација од инженерите дека за десет дена можат да ги завршат ова постапка,, кажа премиерот Христијан Мицкоски
Тој истакна дека на просторот на бунарското подрачје се планира да се подигнат соларни панели кои ќе произведуваат струја за пумпите за хидросистемот, бидејки годишно се трошат околу 2,5 милиони евра за струја.
За санација и реконструкција на целиот хидросистем ќе се пристапи откако ќе се изработи проект, кажа заменик минситерката за животна средина Ане Лашкоска. Таа кажа дека годинава од буџетот се издвоени 2 милиони денари за изработка на проектот.
Хидросистемот Ѓавато беше исклучен во 2022 година заради високите сметки за потрошена електрична енергија но и заради високиот водостој на Дојранското езеро. Лани во ноември беа активирани техничко исправните три пумпи кои со прекини вршеа дотур на вода до езерото. (В.Трајков)
Крадењето авторски текстови е казниво со закон. Преземање авторски текстови и фотографии од ©DRNKA.MK е дозволено само делумно и со ставање хиперлинк до содржината што се цитира.
